ÁRBORES E PRANTAS DA ESCOLA

DURANTE O CURSO ESTIVEMOS TRABALLANDO CON FOLLAS QUE FOMOS RECOLLENDO NO PATIO DA ESCOLA. PRESERVÁMOLAS E IDENTIFICÁMOLAS, CUBRIMOS FICHAS DE REXISTRO…. E AGORA PARA MOSTRALAS A TODOS E  TODAS FOTOGRAFIÁMOLAS E SITUÁMOLAS NO PLANO DA ESCOLA.

POR FIN TEMOS O TRABALLO REMATADO E PRESENTÁMOLO NESTE GENIALLY.

COMEZAMOS A PLANTAR

COMA CHEGADA DA PRIMAVERA COMEZAMOS A TRABALLAR A HORTA.

PRIMEIRO PREPARAMOS A TERRA SANCANDO TODAS AS HERBAS, E DESPOIS PLANTAMOS PATACAS E CHÍCHAROS. 

FIXEMOS O MESMO TAMÉN COAS FRESAS, QUE APROVEITAMOS PARA REPLANTAR ALGUNHA QUE XA SECARA.

AGORA TOCA ESPERAR A VER COMO MEDRA TODO!

FOLLAS DE OUTONO

CADA DÍA CANDO SAÍMOS AO PÁTIO ATOPAMOS MOITAS FOLLAS DIFERENTES QUE VAMOS GARDANDO.

PUXÉMONOS A MÍRALAS BEN E DESCUBRIMOS QUE TEMOS GARDADAS MAIS DE 6 TIPOS DIFERENTES DE FOLLAS. ALGUNHAS TEMOS CLARO DE QUE ÁRBORE PODEN SER PERO DE OUTRAS NON. ADEMAIS NON SABEMOS COMO SE CHAMAN AS ÁRBORES QUE TEMOS NO PATIO DA ESCOLA POLO QUE NOS POÑEREMOS A INVESTIGAR PARA RESOLVELO.

RECOLLEMOS AS PATACAS E FIXEMOS TORTILLA

CHEGADAS ESTÁS DATAS RECOLLEMOS A COLLEITA QUE PLANTAMOS O CURSO PASADO.

COLLEMOS AS PATACAS DA HORTA, E AÍNDA QUE NON HOUBO MOITAS, FORON SUFICIENTES PARA  PODER FACER UNHA TORTILLA.

PRIMERO PELAMOS AS PATACAS E LAVÁMOLAS, PARA DESPOIS CORTALAS CUNHA MANDOLINA. BATEMOS BEN OS OVOS E DESPOIS AS PROFES COCIÑARON A TORTILLA QUE TOMAMOS NA MERENDA. ESTABA RIQUÍSIMA!

E CANDO CHOVE…

ESTES DÍAS VAI BO TEMPO, PERO ÁS VECES CHOVE POLA NOITE E CANDO ISTO PASA O PATIO CONVÉRTESE NUN ESPAZO DE XOGO, EXPERIMENTACIÓN E SOBRE TODO…DIVERSIÓN!

CASTAÑAS

CANDO CHEGAMOS Á ESCOLA O PATIO ESTABA CHEO DE OURIZOS E CASTAÑAS. ADICÁMONOS VARIOS DÍAS A RECOLLELAS E XOGAR CON ELAS. PERO DESPOIS CHEGOU O MELLOR MOMENTO… O DE PROBALAS! ASAMOS UNHAS POUCAS NO FORNO DA ESCOLA E ESTABAN DELICIOSAS!

RECOLLEMOS TANTAS E ESTABAN TAN RICAS, QUE DECIDIMOS COMPARTILAS COAS NOSAS FAMILIAS. ADICAMOS UN TEMPO A CONTALAS E REPARTILAS SEGÚN O NÚMERO DE PERSOAS QUE VIVEN NA NOSA CASA. 

SEMILLEIROS E PATACAS

AS NOSAS PLANTACIÓNS DERON OS SEUS FOITOS.

AS PATACAS MEDRAN CADA DÍA MÁIS E OS TOMATES E OS CHÍCHAROS XA PRECISAN SER TRANSPLANTADOS. 

E OS PRIMEIROS AMORODOS XA OS PROBAMOS NA CELEBRACIÓN DOS CUMPLES DE MAIO.

ESTAMOS FIETOS UNS GRANDES AGRICULTORES E AGRICULTORAS!

ESPANTALLO

TIVEMOS UN PEQUENO PROBLEMA COS AMORODOS…OS PAXAROS COMIANOS TODOS ANTES DE QUE OS PUIDESEMOS PROBAR. 

PENSAMOS NUNHA SOLUCIÓN PARA EVITAR ISTO E PODER DISFRUTAR DOS DELICIOSOS AMORODOS.

POR ISTO, FIXEMOS, CON BOTELLAS DE PLÁSTICO UNHA ESPECIE DE CATAVENTOS PARA TENTAR ESPANTAR OS PAXAROS.

ADEMÁIS, UNS DÍAS DESPOIS, A FAMILIA DE ANDRÉS AGASALLOUNOS CUN ESPANTALLO QUE FIXERON NA CASA CON MATERIAL DE REFUGALLO. MOITAS GRAZAS!

PLANTAMOS BULBOS DE BEGONIA

ATA O DE AGORA SEMPRE XERMINAMOS SEMENTES, PERO DESCUBRIMOS QUE ALGUNHAS PLANTAS NACEN DE BULBOS. QUIXEMOS PROBAR E PLANTAMOS BULBOS DE BEGONIA. A VER SE TEMOS SORTE E MEDRAN UNHAS BONITAS FLORES.

AMORODOS E TOMATES

SEGUIMOS COA PLANTACIÓN NA ESCOLA.

DESTA VEZ PLANTAMOS AMORODOS E SEMENTAMOS TOMATES. A VER SE PRONTO PODEMOS PROBAR XA OS FROITOS!

COMEZAMOS COA HORTA!

DESPOIS DE TER A TERRA XA LISTA PARA PLANTAR PUXÉMONOS MANS Á OBRA.

PRIMEIRO PLANTAMOS PATACAS NA HORTA E DESPOIS SEMENTAMOS FLORES NUNHA XARDINEIRA E CHÍCHAROS EN VASOS DE IOGUR.

AGORA SÓ QUEDA ESPERAR A QUE TODO COMECE A MEDRAR.

PREPARANDO A HORTA

COA CHEGADA DO BO TEMPO PUXÉMONOS A PREPARAR A HORTA E OS MACETEROS PARA PODER PLANTAR. É UN LABOR QUE NOS ENCANTA!

UN AGASALLO PARA A ESCOLA!

O VENRES 17 RECIBIMOS UN AGASALLO!

AS FAMILIAS REGALÁRONNOS UNHA MACEIRA PARA A ESCOLA. CANTO IMOS DISFRUTAR COMENDO AS SÚAS MAZÁS!

MOITAS GRAZAS A TODOS E TODAS POR ESTE MARAVILLOSO AGASALLO! 

OS NOSOS BICHOS

PARA REMATAR O ESTUDO DOS HABITANTES DO NOSO PATIO QUIXEMOS REPRESENTALOS PARA LEVALOS DE RECORDO Á CASA.

FIXEMOS UNHA XOANIÑA, UN CARACOL, UN GRILO E UNHA FORMIGA, QUEDARON MOI SIMPÁTICOS!

FORMIGAS

XA REMATAMOS COAS NOSAS INVESTIGACIÓNS PARA ESTE CURSO, E O ÚLTIMO INSECTO SOBRE O QUE TRABALLAMOS FOI A FORMIGA.

DECUBRIMOS MOITAS COUSAS INTERESANTES: SON MOI FORTES, PODEN LEVANTAR 50 VECES O SEU PESO, OU QUE SÓ A RAÍÑA É A QUE PON OS OVOS.

REXISTRAMOS TODO NO NOSO LIBRO DE INVESTIGACIÓN, QUE CONTINUAREMOS EN PRÓXIMOS CURSOS.

A ATRANCAR A RÚA

OS NENOS E NENAS DA ESCOLA DE VINSEIRA, E TAMÉN OS DA CHOEIRA 2,  COMPARTIRON CON NÓS UNS XOGOS MOI DIVERTIDOS. 

POIS AGORA CHEGA O NOSO MOMENTO! QUEREMOS COMPARTIR CON TODO O ALUMNADO DO CRA ESTE XOGO QUE NOS ENCANTA: “A ATRANCAR A RÚA”.

ESPERAMOS QUE LLES GUSTE XOGAR TANTO COMA A NÓS!

COMEZAMOS COAS MERENDAS AO AIRE LIBRE

COA CHEGADO DO BO TEMPO GÚSTANOS DISFRUTAR AO MÁXIMO DO NOSO PATIO POLO QUE COMEZAMOS COAS MERENDAS AO AIRE LIBRE.

FORMIGAS

COA CHEGADA DO BO TEMPO TAMÉN CHEGAN AS FORMIGAS AO PATIO.

TODOS OS DÍAS ATOPAMOS UNHA MOREA DE FORMIGAS E COMO NOS CAUSAN MOITA CURIOSIDADE METÉMOLAS NO OBSERVA BICHOS PARA OBSERVALAS ATENTAMENTE.

DESPOIS ESTREAMOS O NOSO FORMIGUEIRO. ENCHÉMOLO CUN POUCO DE TERRA E METEMOS UNHAS CANTAS FORMIGAS PARA VER SE CONSTRUEN TÚNELES COMA NOS FORMIGUEIROS.

E CASUALMENTE, UNS DÍAS DESPOIS, ATOPAMOS UN FORMIGUEIRO NO PATIO. CANTAS FORMIGAS HABÍA E QUE RÁPIDO SE MOVÍAN. 

COMO AÍNDA HAI COUSAS QUE QUEREMOS DESCUBRIR SOBRE ELAS ESTAMOS A INVESTIGAR. XA VOS CONTEREMOS OS RESULTADOS.

CONTINUAMOS COA PLANTACIÓN DE PRODUTOS DA HORTA!

A NOSA HORTA SEGUE MEDRANDO. ESTES DÍAS ESTIVEMOS ARRINCANDO MALAS HERBAS DAS PATACAS, QUE CADA VEZ ESTÁN MAIS GRANDES.

XA XERMINARON OS TOMATES E TAMÉN OS CHÍCHAROS QUE SEMENTAMOS HAI UNAS SEMANAS. E POR FIN PUIDEMOS PROBAR OS PRIMEIROS AMORODOS, QUE AÍNDA QUE SON PEQUENOS ESTÁN BEN SABOROSOS.

FIXÉRONNOS UN AGASALLO, UNHAS SEMENTES QUE REGALA UN SUPERMERCADO E QUE DECIDIMOS PLANTAR. PRONTO VEREMOS SE MEDRA A LEITUGA E A ESPINACA.

SEMENTAMOS!

DESPOIS DE PRANTAR PATACAS NA HORTA, PASAMOS A SEMENTAR TOMATES EN VASIÑOS DE IOGUR. E TAMÉN FIXEMOS UN EXPERIEMNTO A VER SE FUNCIONA… PUXEMOS A XERMINAR DIFERENTES TIPOS DE SEMENTES. XA VOS IREMOS INFORMANDO DOS RESULTADOS!

E XA ESTÁN NACENDO AS PATACAS QUE PLANTAMOS! ESTAMOS MOI CONTENTOS E CONTENTAS!