Páxinas

SABELA EN CHENNAI

 DEPOIS DE 15 DÍAS NAVEGANDO SABELA CHEGOU Á ÍNDIA, AO PORTO DE CHENNAI.

CONTOUNOS QUE LLE ENCANTA A INDIA. ALÍ COÑECEU A INDIRA QUE LLE DIXO QUE VISITARA O TAJ MAJHAL E CONVIDOUNA A PARTICIPAR NA FESTA DAS CORES, UNHA FESTA PROPIA DA INDIA PARA CELEBRAR A CHEGADA DA PRIMAVERA. SABELA DECIDIU QUE LEVARÁ UN VESTIDO COAS CORES DA BANDEIRA DA INDIA: BRANCO, LARANXA E VERDE. O SEU VESTIDO É BRANCO POLO QUE NECESITA CONSEGUIR O VERDE E O LARANXA, E PARA ISO PEDIUNOS AXUDA. ENVIOUNOS ALIMENTOS E PEDIUNOS QUE EXPERIMENTARAMOS CON ELES PARA CONSEGUIR ESAS CORES. E ASÍ O FIXEMOS!

DESCUBRIMOS QUE CON XEMA DE OVO E CÚRCUMA PODEMOS CONSEGUIR LARANXA E QUE SE NESA MESTURA ENGADIMOS COLORANTE AZUL APARECE A COR VERDE!

FOI XENIAL! DESCUBRIMOS QUE COS ALIMENTOS PODEMOS FACER PINTURAS NATURAIS!

PODEDES ESCOITAR O AUDIO COMPLETO DE SABELA VISITANDO O BLOGUE DA PEPATECA.

DÍA DE ROSALÍA 2021

 O 24 DE FEBREIRO CELEBRAMOS O DÍA DE ROSALÍA DE CASTRO.

PARA CONMEMORAR ESTA DATA O EQUIPO DE DINAMIZACIÓN DA LÍNGUA GALEGA ELABOROU UN VÍDEO PARA DAR A COÑECER A FIGURA DESTA ESCRITORA GALEGA.

NAS ESCOLAS ELABORAMOS UNHAS TARXETAS CO LEMA “NO DÍA DE ROSALÍA...UNHA FLOR E UNHA POESÍA”. PARA ISTO FIXEMOS UNHA FLOR DE ORIGAMI E ELIXIMOS ENTRE TODOS UN POEMA DESTA ESCRITORA.

TAREFA 7: SENTIDO DO OLFACTO “A QUE ULE?”

OS SENTIDOS SON MOI IMPORTANTES, XA QUE NOS PERMITEN COÑECERNOS A NÓS MESMOS E Á NOSA CONTORNA. 

NESTA TAREFA FALAMOS SOBRE OS 5 SENTIDOS, E DESPOIS ELIXIMOS UN DELES. VOTAMOS E O ELIXIDO FOI... O OLFACTO!

A TRAVÉS DESTE SENTIDO PODEMOS PERCIBIR DIFERENTES OLORES, ALGÚNS MOI AGRADABLES E OUTROS NON TANTO... 

A TAREFA CONSISTÍA EN REALIZAR UN XOGO PARA ESTIMULAR ESTE SENTIDO. TIVEMOS QUE TENTAR RECOÑECER DIFERENTES OLORES, ALGÚNS RESULTÁRONNOS MOI SINXELOS E OUTROS CUSTÁRONNOS UN POUCO MAIS..

AQUÍ VOS DEIXAMOS A NOSA EXPERIENCIA.
















ANIMÁDEVOS A XOGAR NA CASA!



ENTROIDO

ESTE ANO, APROVEITANDO QUE SABELA ESTÁ EN KENIA E QUE APRENDEMOS VARIAS DANZAS AFRICANAS, FIXEMOS MÁSCARAS TRIBAIS PARA CELEBRAR O ENTROIDO.

TRABALLAMOS UN MONTÓN: PICAMOS, RECORTAMOS, PINTAMOS,... ASÍ, ELABORAMOS UNHAS MÁSCARAS, COLARES E BRAZALETES USANDO ELEMENTOS NATURAIS QUE RECOLLEMOS NO PATIO E RECICLANDO E REUTILIZANDO TAPÓNS E ROLOS DE PAPEL HIXIENICO.
QUEDARON MOI LUCIDAS!
 


E POR FIN CHEGOU O DÍA DE CELEBRAR O ENTROIDO NA ESCOLA! PUXEMOS AS MÁSCARAS E OS COMPLEMENTOS E A DISFRUTAR!


 
PARA AMBIENTAR A FESTA A PROFE LORENA DEIXOUNOS NO SEU BLOGUE AS DANZAS AFRICANAS  QUE COÑECEMOS PARA QUE AS PUDIDESEMOS BAILAR. PODEDES DISFRUTAR DELAS VISITANDO O BLOGUE DE MÚSICA.