XERMINAMOS UNHA CASTAÑA

O EQUIPO DE DINAMIZACIÓN DA LINGUA GALEGA PROPÚXONOS UNHA ACTIVIDADE PARA RESALTAR A IMPORTANCIA DAS ÁRBORES AUTÓCTONAS GALEGAS.

A SÚA PROPOSTA CONSISTE EN XERMINAR UNHA LANDRA OU UNHA CASTAÑA PARA DESPOIS PODER PLANTAR ESE CARBALLO OU CASTIÑEIRO.

COMO NA NOSA ESCOLA RECOLLEMOS MOITAS CASTAÑAS DECIDIMOS QUE AS IAMOS USAR PARA ESTE EXPERIMENTO.

PERO TIVEMOS UN PROBLEMA, NAS INDICACIÓNS QUE NOS ENTREGARON PARA FACER ESTA ACTIVIDADE DECÍA QUE AS CASTAÑAS DESPOIS DE ESTAR 24H EN AUGA NON PODÍAN FLOTAR, XA QUE NESE CASO NON NACERÍAN; E AS NOSAS FLOTABAN TODAS. AÍNDA ASÍ, SACAMOS UNHA E PUXÉMOLA A XERMINAR PARA COMPROBAR QUE ISO ERA CERTO. 

DÍAS DESPOIS REPETIMOS A PROBA CON OUTRAS CASTAÑAS QUE NOS TROUXO A PROFE ISA, E DESTA VEZ SAIU BEN. NINGUNHA FLOTABA E PUXÉMOLAS A XERMINAR. 

AGORA TOCA  BOTARLLES AUGA E ESTAR BEN ATENTOS PARA CANDO XERMINEN PODER PLANTALAS.