DÍA DA PAZ

A SEMANA ANTERIOR AO DÍA DA PAZ RECIBIMOS UNHA NOVA CARTA DESDE ILLA FANTASÍA.

ESCRIBIUNOS O MAGO ALFA PARA CONTARNOS QUE TODAS AS MASCOTAS, INCLUIDA A AVIONETA PEPA, XA ESTABAN DE NOVO NAS ESCOLAS. TAMÉN NOS FALOU SOBRE O DÍA DA PAZ E OS GARDIÁNS QUE SE OCUPAN DE MANTELA DENTRO DA ILLA FANTASÍA E OS SEUS MANDALAS. E DUNS VALES QUE TERIAMOS QUE ELABORAR PARA FAVORECER A PAZ E MELLORAR A CONVIVENCIA NA ESCOLA E TAMÉN NA CASA.

COS MANDALAS QUE NOS ENVIOU O MAGO ALFA E CO ESCUDO E AS PALABRAS QUE NOS TROUXO MALAUVA DECORAMOS A ENTRADA DA ESCOLA. COMO AÍNDA QUERIAMOS COMPLETAR ESTA DECORACIÓN FIXEMOS UN PEQUENO MURAL COAS LETRAS DA PALABRA PAZ, COAS NOSAS FOTOS E CON PALABRAS RELACIONADAS CO TEMA QUE LEVASEN AS LETRAS P, A E Z. QUEDOUNOS XENIAL!

E PARA REMATAR ELABORAMOS OS VALES QUE DESPOIS LEVAMOS PARA A CASA. XA ESTAMOS DESEANDO REPARTILOS!

 O DÍA 30, PARA CELEBRAR O DÍA DA PAZ RECIBIMOS A VISITA DE MARUXA E PEPIÑO QUE NOS VIÑAN CONTAR UNHA HISTORIA QUE LLES PASOU. MARUXA ESTABA UN POUCO DESCONTENTA PORQUE PEPIÑO NON LLE AXUDA MOITO NA CASA E UN DÍA CANDO PEPIÑO QUIXO QUE LLE FIXERA PAN MANDOUNO POLOS INGREDIENTES E MENTRAS QUEDOU DURMIDA. DESTE XEITO FOI PEPIÑO QUEN O FIXO E REGALOUNOS UN BOLIÑO A CADA UN PARA MERENDAR. ESTABA DELICIOSO!